Woa akroat mott ick mie henstellen
hier draffs du nich laupen
dat hört denn graf koks to
moss du utriärkend hier sitten
dat is doch för mi reserveert
nu kiek es wegg
datt sallst du nich seihn
dofuör büss du to lütt
segg et biätter nich
do makt se die iärrger
dat met palestina
een grautet tabu
dütt book steit upp denn index
leggt` biätter wegg
unn wenn du hier föherst
dann packt se die wanner
dao steiht doch dat schild
datt watt du dao uffschriffst
holl`t in diene lade
süss kuemmt de experten
unn schlachtet di foorts
liärs dütt oder dat biätter nich
de denunzianten liggt up der luuer.
Wii sinnn de führers
de wiett´t watt to doahn is
stell di hier henn, akroat an düsse Stiähr
swieg biätter still
unn holl diene mul
wii wiett`t watt to doahn is.
Uowwer in mienen kopp
doa könn ii nich kieken
doa stoah ick
woa ick will.